تعديل شهادة البكلوريا السورية #

تعديل شهادة البكلوريا الشهادات السورية

بالنسبة للطلاب اللي شهادتهم سورية و متواجدين بتركيا خطوات تعديل الشهادة

الخطوة الأولى : لازم يترجم الشهادة بعدين يساوولها نوترة و النوترة تعني تصديق من كاتب العدل و تكون حصرياً بالمدينة

التي ترجمت فيها الشهادة

الخطوة التانية : تصديق الشهادة من الحكومة المؤقتة المتواجدة في غازي عنتاب و بكون التصديق شخصي او مع أحد أقاربك و إذا عندك الشهادة المصدقة بالختم الأحمر فقط بدون وجود الشهادة الكرتون الصفرة لازم يكون عندك شي يثبت أنك دارس أو مسجل بالجامعات السورية يعني أي شي بصير حتى لو وصل تسجيل أو ورقة المفاضلة .. أما إذا عندك الشهادة الصفرا الكرتون بكفي الشهادة و بطلبوا صورة عن الكيملك و كتابة تعهد مع دفع 30 ليرة تركي اجور تصديق طبعاً بتحسن تصدق الشهادة بدون ترجمة ونوترة لكن الأفضل أنك تترجمها لحتى تكون أورق كلا جاهزة بالظرف بعدين بتم تصديق الشهادة بعد التأكد منها إذا مزورة أو لا و بعطيك ظرف مغلق و مختوم عليه و مااااا بصير تفتح الظرف أنت أبداً الطلاب أصحاب الشهادات الصادرة من الإئتلاف كمان بكفي وجود الشهادة

الخطوة الثالثة : بعد ما أخدت الظرف بتروح ع مديرية التربية بالمدينة اللي أخدت منها الكيملك أو الإقامة بتعطين الظرف مغلق بعدين بشوفوا الأوراق و بقلولك أيمت تجي تاخد التعديل

ملاحظة : أثناء التسجيل على الجامعات ما بطلبوا التعديل لكن في حال طلعلك أي فرع بعد التسجيل و بدك تثبت التسجيل أثناء تثبيت التسجيل بطلبوا التعديل و بعض الجامعات ما بتعطي مهلة أبداً للطالب حتى يجيب التعديل لذلك بنصح كل الطلاب اللي بدها تسجل عالجامعات بتعديل الشهادة فوراً